दूरद्रष्टा श्रीकान्त अधिकारी प्रतिष्ठानको आधिकारिक वेबसाइट
दूरद्रष्टा श्रीकान्त अधिकारी प्रतिष्ठानको आधिकारिक वेबसाइट
काठमाडौँ -विसं २००६ का हलो क्रान्तिका नायक स्वर्गीय श्रीकान्त अधिकारीको सम्झना गरिएको छ ।
अधिकारीको ९१औँ जन्मजयन्तीका अवसरमा आज दुरद्रष्टा श्रीकान्त अधिकारी प्रतिष्ठानले कार्यक्रम गरी विसं २००६ मा लमजुङको दुराडाँडामा ब्राह्मणले हलो जोतेर सामाजिक अभियानको थालनी गर्नुभएका स्व अधिकारीको सम्झना गरेको हो ।
लमजुङको दुराडाँडामा जन्मिएका अधिकारीले लमजुङ मात्र नभएर मुलुककै सामाजिक, आर्थिक र राजनीतिक विकासमा ठूलो भूमिका खेल्नुभएको थियो । अधिकारी विसं २०१५ मा नेपाली काँग्रेसका तर्फबाट निर्वाचित सांसदसमेत बन्नुभएको थियो ।
कार्यक्रममा नेपाल प्रज्ञा–प्रतिष्ठानका उपकुलपति डा विष्णुविभु घिमिरेले सामाजिक क्षेत्रमा परिवर्तन गर्नुपर्ने मान्यताअनुरुप अधिकारीले हलो क्रान्तिको थालनी गरेको बताउनुभयो । “अधिकारीले राजनीतिक, शिक्षा र सामाजिक अभियान्ताका रुपमा पु¥याएको योगदान उल्लेखनीय रहेको छ”, उहाँले भन्नुभयो ।
पूर्वसभामुख तारानाथ रानाभाटले श्रीकान्त अधिकारी राष्ट्रिय व्यक्तित्व भएकाले नयाँ पुस्ताले उहाँको योगदानका बारेमा जान्न जरुरी छ भन्नुभयो । पूर्वसहायकमन्त्री दिनबन्धु अर्याल, पूर्वसांसद डा भीष्मनाथ अधिकारी, मस्र्याङ्दी वाङ्मय प्रतिष्ठानका अध्यक्ष डा मुकुन्द पथिक, प्रा डा गोविन्द नेपाल, प्रतिष्ठानका उपाध्यक्ष गोकुल दुरालगायतले स्वर्गीय अधिकारी सफा र पारदर्शीमा विश्वास गर्ने दुरदर्शी नेता भएको बताउनुभयो ।
विसं १९८४ जेठ १३ गते जन्मनुभएका अधिकारीको विसं २०६९ कात्तिक ३० मा निधन भएपछि उहाँको सम्झनामा २०७३ फागुन ९ गते दुरद्रष्टा श्रीकान्त अधिकारी प्रतिष्ठान स्थापना गरी सामाजिक काम गर्दै आइरहेको प्रतिष्ठानकी अध्यक्ष गायत्री अधिकारीले जानकारी दिनुभयो ।
प्रतिष्ठानले गत वर्ष एसइइ परीक्षामा लमजुङबाट सर्वोकृष्ट अंक प्राप्त गर्ने छात्र समीर सेढाईं, छात्रा ऋतु श्रेष्ठ र लामो समयदेखि लमजुङको दुराडाँडामा बसेर समाजसेवा गर्दै आउनुभएका पूर्णभद्र न्यौपानेलाई प्रतिव्यक्ति रु १० हजार नगदसहित सम्मान गरिएको थियो ।
View Document
दुराडाँडाको सुकीर्ति निर्माणको पर्याय बनेको शैक्षिक क्रान्तिका अगुवा, सामाजिक अभियन्ता, इतिहासका मर्मज्ञ, प्रखरवक्ता एवम् राजनीतिज्ञ श्रीकान्त अधिकारी हामी सबैका श्रद्धेय व्यक्तित्व हुनुहुन्छ । स्वर्गीय अधिकारीका योगदानको स्मरण गर्दै सामाजिक सेवाका विविध क्षेत्रमा संस्थागत रूपमा सक्रिय रही श्रीकान्त अधिकारी लगायत हाम्रा पुर्खाका योगदानलाई चिरकालपर्यन्त जीवन्त बनाई राख्न सकियोस अनि भावी पुस्तालाई पनि सामाजिक सेवाको क्षेत्रमा अभिप्रेरित गर्न सकियोस् भन्ने पुनीत उद्देश्यले सम्वत् २०७३ सालमा दूरद्रष्टा श्रीकान्त अधिकारी प्रतिष्ठानको स्थापना भई सामाजिक...
साधारणसभाका अध्यक्षज्यूप्रमुख अतिथिज्यूप्रतिष्ठानका संरक्षकज्यूसहित सम्पूर्ण सदस्यज्यूहरुशुभेच्छुक मान्यजन र अतिथिज्यूहरु। शैक्षिक,सामाजिक र राजनीतिक क्रान्तिको क्षेत्रमा सुपरिचित श्रीकान्त अधिकारी आफ्ना सुकर्मका कारण अमर हुनुहुन्छ। उहाँको योगदानलाई चिरकाल पर्यन्त जीवन्त राख्ने र विभन्न रचनात्मक क्रियाकलापमार्फत भावि पुस्तालाई समेत यस्तै अनुकरणीय कर्ममा अभिप्रेरित गर्ने उद्देश्यले २०७३ साल फागुन ९ गते स्थापित यस प्रतिष्ठानले आठौं वर्ष पूरा गर्दै छ। आजको यस पुनित दिनमा स्वर्गीय श्रीकान्त अधिकारीप्रति हार्दिक श्रद्धाञ्जली प्रकट गर्दछु।विधानतः प्रतिष्ठानमा संस्थापक सदस्य, साधारण सदस्य, आजीवन सदस्य, संरक्षक सदस्य र मानार्थ सदस्य...