दूरद्रष्टा श्रीकान्त अधिकारी प्रतिष्ठानको आधिकारिक वेबसाइट
दूरद्रष्टा श्रीकान्त अधिकारी प्रतिष्ठानको आधिकारिक वेबसाइट
दूरद्रष्टा श्रीकान्त अधिकारी प्रतिष्ठानद्वारा मिति २०८० जेठ १२ गते प्रतिष्ठानको कार्यलय (धापासीमा चेतनाको मुहान (शैक्षिक विशेषाङ्क) पुस्तक विमोचन कार्यक्रम आयोजना गरिएको थियो । सो कार्यक्रममा प्रमुख आमन्त्रित व्यक्तित्व टोखा न.पा. का प्रमुख (मेयर) श्री प्रमुख प्रकाश अधिकारी तथा विशेष आमन्त्रित व्यक्तित्व टोखा न.पा. वडा नं. ७ का अध्यक्ष श्री नरोत्तम राना, चेतनाको मुहानका लेखकहरु लगायत विशिष्ट महानुभावहरुको उपस्थिति रहेको थियो । कार्यक्रमको सभापतित्व प्रतिष्ठानकी अध्यक्ष गायत्री अधिकारीले गर्नुभएको र कार्यक्रम सञ्चालन संस्थाका सचिब देशबन्धु अधिकारीले गर्नुभएको थियो । प्रमुख आमन्त्रित व्यक्तित्व टोखा न.पा. का प्रमुख (मेयर) प्रकाश अधिकारीले श्रीकान्त अधिकारी जस्तो बहुआयामिक व्यक्तिको नाममा स्थापना भएको प्रतिष्ठानसँगको सहकार्यमा ”चेतनाको मुहान शैंक्षिक विशेषाङ्क)“ प्रकाशन हुनु खुसीको कुरा भएको र नगरपालिकाले आगामि दिनमा पनि यस प्रतिष्ठानसँग सहकार्य गर्दै अगाडि बढ्ने बताउनु भएको थियो । पुस्तकमाथि प्रकाश पार्दै लेखक समेत रहेका शरणकुमार अर्यालले चेतनाको मुहान शैक्षिक विशेषाङ्क ऐतिहाँसिक र अमूल्य बनेको बताउनुभयो । उहांले समीक्षात्मक शैलीमा २२ वटा लेखहरु तथा पुस्तकका अन्य सबल तथा कमजोर पक्षमाथि टिप्पणी गर्नुभएको थियो । लेखक कुलचन्द्र वाग्लेले श्रीकान्त अधिकारीको वहुआयामिक व्यक्तित्वको बारेमा आफ्ना धारणा राख्नु भएको थियो । त्यसैगरेर लमजुङ्ग, दुराडाँडामा सम्पन्न शिक्षा सम्मेलन, २०१० को प्रतिवेदनको विवेचना प्रा.डा. गोविन्द नेपालले गर्नु भएको थियो । कार्यक्रममा स्वागत मन्तव्य प्रतिष्ठानका उपादध्क्ष गणेश न्यौपाने लगाएत परिवारका सदस्य तथा संघ संस्थाबाट दुरा सेवा समाज, दुराडाँडा सेवा समाज लगाएतका वक्ताले श्रीकान्त अधिकारीका विविध पक्षमा आफ्नो मन्तब्य राख्नु भएको थियो । भब्य र सभ्य रुपमा सञ्चालित कार्यकमलार्इ कार्यक्रमको सभापतित्व गर्नुभएकी प्रतिष्ठानकी अध्यक्षले सवैलाई धन्यवाद र आभार प्रकट गर्दै समापन गर्नुभएको थियो ।
यसैगरेर श्रीकान्त अधिकारीको जन्म जयन्तीको अवसर पारेर मिति २०८० जेठ १३ गते दियालो पार्टी प्यालेसमा विमोचन गरिएको पुस्तक माथिको समीक्षा कार्यक्रमको आयोजना गरिएको थियो । सो कार्यक्रमको प्रमुख अतिथि प्रा.डा. जयराज आचार्य, विशेष अतिथिहरुमा पूर्व सहायक मन्त्री दीनवन्धु अर्याल, नेता जगतवन्धु अर्याल, पुस्तकमा लेख उपलब्ध गराउनुहुने लेखकहरू, वौध्दिक व्यक्तित्वहरु तथा विशिष्ट महानुभावहरूको उपस्थिति थियो । प्रमुख आमात्रित व्यक्तित्व जयराज आचार्यले नेपालको राजनीतिक , सामाजिक र शैक्षिक अवस्थाका विभिन्न पक्षहरुमा आफ्ना धारणा राख्नु भएको थियो उहाँले जनताको जनविश्वासले नै लोकतन्त्र, गणतन्त्र, संविधान र राष्ट्र बचाउन सकिने कुरामा जोड दिनु भएको थियो । पूर्व मन्त्री दीनवन्धु अर्यालले श्रीकान्त अधिकारी बहुआयामिक व्यक्तित्व भएको मा जोड दिदै उहाँका विविध पक्षमाथि प्रकाश पार्नु भएको थियो । अन्य वक्क्ताहरुले पनि पुस्तकका बारेमा, श्रीकान्त अधिकारीका बारेमा आआफ्ना दृष्टिकोण राख्नु भएको थियो । कार्यक्रम भव्य र सभ्य रुपमा सम्पन्न भएको थियो । कार्यक्रमको समापन, सभापति गायत्री अधिकारीको समापन मन्तब्य पछि भएको थियो ।
View Document
दुराडाँडाको सुकीर्ति निर्माणको पर्याय बनेको शैक्षिक क्रान्तिका अगुवा, सामाजिक अभियन्ता, इतिहासका मर्मज्ञ, प्रखरवक्ता एवम् राजनीतिज्ञ श्रीकान्त अधिकारी हामी सबैका श्रद्धेय व्यक्तित्व हुनुहुन्छ । स्वर्गीय अधिकारीका योगदानको स्मरण गर्दै सामाजिक सेवाका विविध क्षेत्रमा संस्थागत रूपमा सक्रिय रही श्रीकान्त अधिकारी लगायत हाम्रा पुर्खाका योगदानलाई चिरकालपर्यन्त जीवन्त बनाई राख्न सकियोस अनि भावी पुस्तालाई पनि सामाजिक सेवाको क्षेत्रमा अभिप्रेरित गर्न सकियोस् भन्ने पुनीत उद्देश्यले सम्वत् २०७३ सालमा दूरद्रष्टा श्रीकान्त अधिकारी प्रतिष्ठानको स्थापना भई सामाजिक...
साधारणसभाका अध्यक्षज्यूप्रमुख अतिथिज्यूप्रतिष्ठानका संरक्षकज्यूसहित सम्पूर्ण सदस्यज्यूहरुशुभेच्छुक मान्यजन र अतिथिज्यूहरु। शैक्षिक,सामाजिक र राजनीतिक क्रान्तिको क्षेत्रमा सुपरिचित श्रीकान्त अधिकारी आफ्ना सुकर्मका कारण अमर हुनुहुन्छ। उहाँको योगदानलाई चिरकाल पर्यन्त जीवन्त राख्ने र विभन्न रचनात्मक क्रियाकलापमार्फत भावि पुस्तालाई समेत यस्तै अनुकरणीय कर्ममा अभिप्रेरित गर्ने उद्देश्यले २०७३ साल फागुन ९ गते स्थापित यस प्रतिष्ठानले आठौं वर्ष पूरा गर्दै छ। आजको यस पुनित दिनमा स्वर्गीय श्रीकान्त अधिकारीप्रति हार्दिक श्रद्धाञ्जली प्रकट गर्दछु।विधानतः प्रतिष्ठानमा संस्थापक सदस्य, साधारण सदस्य, आजीवन सदस्य, संरक्षक सदस्य र मानार्थ सदस्य...