दूरद्रष्टा श्रीकान्त अधिकारी प्रतिष्ठानको आधिकारिक वेबसाइट
दूरद्रष्टा श्रीकान्त अधिकारी प्रतिष्ठानको आधिकारिक वेबसाइट
दूरद्रष्टा श्रीकान्त अधिकारी प्रतिष्ठानद्वारा मिति २०८१ जेठ १३ गते दियालो पार्टी प्यालेसमा श्रीकान्त अधिकारीको ९८ औं जन्मजयन्ती तथा चेतनाको मुहान (राजनीतिक विशेषाङ्क) पुस्तक विमोचन कार्यक्रमको आयोजना गरिएको थियो । सो कार्यक्रममा प्रमुख आमन्त्रित व्यक्तित्व पूर्व सभामुख श्री दमननाथ ढुङ्गाना, विशेष आमन्त्रीत व्यक्तित्वहरु, संविधानसभा सदस्य खिमलाल देवकोटा, राष्ट्रिय योजना आयोगका पूर्व उपाध्यक्ष श्री गोविन्दराज पोखरेल, वरिष्ठ पत्रकारः पुरुषोत्तम दाहाल, चेतनाको मुहान का लागि लेखरचना उपलब्ध गराउनुहुने लेखकहरु र विशिष्ट महानुभावहरुको उपस्थिती रहेको थियो । कार्यक्रमको सभापतित्व प्रतिष्ठानका अध्यक्ष गायत्री अधिकारीले र सञ्चालन संस्थाका सचिव देशवन्धु अधिकारीले गर्नुभएको थियो ।
लेखकहरुलाइ खादा र फूलको गुच्छाले सम्मान गरिएको सो कार्यक्रममा प्रमुख वक्ता लगायत अन्य वक्ताहरु (श्री दमननाथ ढुङ्गाना, गोविन्दराज पोखरेल, खिमलाल देवकोटा र पुरुषोत्तम दाहाल) ले वर्तमान नेपालको राजनीतिक अवस्था, लोकतन्त्र कमजोर हुनुका कारणहरु, हलोकान्ति र सामाजिक रुपान्तरणमा यसको योगदान, पुस्तकमा समावेश लेखहरुको संक्षिप्त विवेचना, नेपालको शैक्षिक, सामाजिक तथा राजनैतिक क्षेत्रमा दुराडाँडा र श्रीकान्त अधिकारीले पु–याएको योगदान आदि विषयमा आफ्नो धारणा राख्नु भएको थियो । प्रमुख अतिथी दमननाथ ढुङ्गानाले लोकतन्त्र÷प्रजातन्त्र आफैमा कमजोर हुने विषय नभएर, नेताहरुको अक्षमता, अनैतिक क्रियाकलाप, दूरदृष्टिको अभाव, नैतिक आचरणको कमीले यस्तो लागेको हुन सक्ने वताउनु भयो । उहाँले राष्ट्रका लागि ठूलो योगदान पु–याउने व्यक्तिहरुको सम्मान राज्यले नै गर्नु पर्नेमा जोड दिनु भएको थियो । खिमलाल देवकोटाले श्रीकान्त अधिकारी वास्तवमा नै क्रान्तिकारी नेता भएको भन्दै हलोक्रान्ति’ सामाजिक तथा राजनीतिक चेतना र परिवर्तनका लागि अग्रगामी कदम रहेको कुरामा जोड दिनु भएको थियो । गोविन्दराज पोख्रेलले दुराडाँडासंग आफ्नो भावनात्मक सम्वन्ध रहेको वताउदै लोकतन्त्रको विकल्प लोकतन्त्र नै हुने कुरामा जोड दिनु भयो । पुरुषोत्तम दाहालले कुनै पनि व्यक्तिलाइ देवत्वकरण र दानवत्वकरण गर्न नहुने कुरामा जोड दिदै श्रीकान्त अधिकारी सरल व्यक्तिभएको मानिस हुनुहुन्थयो भन्ने विचार व्यक्त गर्नु भएको थियो । कुनै पनि व्यक्तिको जीवनी वारेमा प्रकाश पार्न सबैभन्दा गार्हो काम रहेछ भन्दै शरण कुमार अर्यालले श्रीकान्त अधिकारीको व्यक्तिगत, पारीवारिक तथा सामाजिक जीवनका बहुपक्ष माथि प्रकाश पार्नु भएको थियो । कार्यक्रम सटिक थियो । समय व्यवस्थापन ज्यादै राम्रो थियो । उपस्थिती गहकिलो थियो । समग्रमा श्रीकान्त अधिकारीको ९८ औं जन्मजयन्तीमा अभिव्यक्त मन्तव्य, लेखक सम्मान र विषयको प्रस्तुती, छात्र छात्राको पुरस्कार सम्मान कार्यक्रमले सभा सुगन्धित भएको महसुस सबैले गर्न पाइएको थियो ।
View Document
दुराडाँडाको सुकीर्ति निर्माणको पर्याय बनेको शैक्षिक क्रान्तिका अगुवा, सामाजिक अभियन्ता, इतिहासका मर्मज्ञ, प्रखरवक्ता एवम् राजनीतिज्ञ श्रीकान्त अधिकारी हामी सबैका श्रद्धेय व्यक्तित्व हुनुहुन्छ । स्वर्गीय अधिकारीका योगदानको स्मरण गर्दै सामाजिक सेवाका विविध क्षेत्रमा संस्थागत रूपमा सक्रिय रही श्रीकान्त अधिकारी लगायत हाम्रा पुर्खाका योगदानलाई चिरकालपर्यन्त जीवन्त बनाई राख्न सकियोस अनि भावी पुस्तालाई पनि सामाजिक सेवाको क्षेत्रमा अभिप्रेरित गर्न सकियोस् भन्ने पुनीत उद्देश्यले सम्वत् २०७३ सालमा दूरद्रष्टा श्रीकान्त अधिकारी प्रतिष्ठानको स्थापना भई सामाजिक...
साधारणसभाका अध्यक्षज्यूप्रमुख अतिथिज्यूप्रतिष्ठानका संरक्षकज्यूसहित सम्पूर्ण सदस्यज्यूहरुशुभेच्छुक मान्यजन र अतिथिज्यूहरु। शैक्षिक,सामाजिक र राजनीतिक क्रान्तिको क्षेत्रमा सुपरिचित श्रीकान्त अधिकारी आफ्ना सुकर्मका कारण अमर हुनुहुन्छ। उहाँको योगदानलाई चिरकाल पर्यन्त जीवन्त राख्ने र विभन्न रचनात्मक क्रियाकलापमार्फत भावि पुस्तालाई समेत यस्तै अनुकरणीय कर्ममा अभिप्रेरित गर्ने उद्देश्यले २०७३ साल फागुन ९ गते स्थापित यस प्रतिष्ठानले आठौं वर्ष पूरा गर्दै छ। आजको यस पुनित दिनमा स्वर्गीय श्रीकान्त अधिकारीप्रति हार्दिक श्रद्धाञ्जली प्रकट गर्दछु।विधानतः प्रतिष्ठानमा संस्थापक सदस्य, साधारण सदस्य, आजीवन सदस्य, संरक्षक सदस्य र मानार्थ सदस्य...