दूरद्रष्टा श्रीकान्त अधिकारी प्रतिष्ठानको आधिकारिक वेबसाइट
दूरद्रष्टा श्रीकान्त अधिकारी प्रतिष्ठानको आधिकारिक वेबसाइट
स्मृति-विम्बमा भीष्मकान्त अधिकारी
भीष्मकान्त अधिकारीको जन्म १९८६ कार्तिकमा लमजुङ दुराडाँडाको स्वाँरा गाउँमा भएको हो। मूलतः शिक्षासेवीको परिचय बनाउनुभएका भीष्मकान्त नेपालको राजनीति र सामाजिक जागरणका आन्दोलनमा पनि अग्रपङ्तिमा रहेर काम गरेका व्यक्तित्व हुनु हुन्थ्यो ।
अङ्ग्रेजी शिक्षा लिने अवसर पाएका भीष्मकान्त अधिकारीले लमजुङको दुराडाँडा र चितवनको शैक्षिक विकासमा अतुलनीय योगदान गर्नु भयो। ठूलो गुन लगाएका छन्। लमजुङकै पहिलो मिडिल स्कुल सर्वोदयमा २००९ सालदेखि हेडमास्टरको जिम्मेवारी सम्हालेका भीष्मकान्तले सर्वोदयको हाइस्कुल भवनको निर्माण र स्कुल सक्षम नभएसम्म तलब नलिने र यसलाई छोडेर कतै नजाने भनी गरेको 'भिष्म प्रतिज्ञा' र तदनुरुपको सेवा विर्सन नसकिने घटना हुन् । लमजुङबाट चितवन झरेपछि चितवन हाइस्कुलमा आवद्ध भएका भिष्मकान्तले २०२२ सालदेखि विद्यालको प्रधानाध्यापक भएर सेवा गर्नुभयो । वीरेन्द्र कलेजको स्थापनाको अगुवाई गर्नुभयो । समग्रमा भीष्मकान्त जीवनपर्यन्त शिक्षा सेवामा संलग्न रहिरहनु भयो।
भीष्मकान्त अधिकारीको जीवनीमा आधारित यो स्मृति ग्रन्थको प्रकाशक उनका छोरा शरदकान्त अधिकारी र बुहारी सुमित्रा अधिकारी रहेका छन् भने प्रा.डा. जीवन अधिकारी, डा. महेन्द्रनाथ अधिकारी र रविकान्त अधिकारीको सम्पादन रहेको छ । यसमा रहेका स्मृति आलेखले भीष्मकान्तको जीवनीका विविध पाटालाई उजागर गर्नुको साथै समकालीन नेपालको शिक्षा, राजनीति र सामाजिक जागरणका विविध घटनालाई समेटेका छन्।
यो ग्रन्थ प्रतिष्ठानको आफ्नो प्रकाशन होइन अपितु 'सम्झना भेट' को रुपमा प्रतिष्ठानलाई समर्पण भएको हुनाले प्रतिष्ठानको वेवसाइटबाट समेत उपलब्ध हुने व्यवस्था मिलाइएको छ ।
दुराडाँडाको सुकीर्ति निर्माणको पर्याय बनेको शैक्षिक क्रान्तिका अगुवा, सामाजिक अभियन्ता, इतिहासका मर्मज्ञ, प्रखरवक्ता एवम् राजनीतिज्ञ श्रीकान्त अधिकारी हामी सबैका श्रद्धेय व्यक्तित्व हुनुहुन्छ । स्वर्गीय अधिकारीका योगदानको स्मरण गर्दै सामाजिक सेवाका विविध क्षेत्रमा संस्थागत रूपमा सक्रिय रही श्रीकान्त अधिकारी लगायत हाम्रा पुर्खाका योगदानलाई चिरकालपर्यन्त जीवन्त बनाई राख्न सकियोस अनि भावी पुस्तालाई पनि सामाजिक सेवाको क्षेत्रमा अभिप्रेरित गर्न सकियोस् भन्ने पुनीत उद्देश्यले सम्वत् २०७३ सालमा दूरद्रष्टा श्रीकान्त अधिकारी प्रतिष्ठानको स्थापना भई सामाजिक...
साधारणसभाका अध्यक्षज्यूप्रमुख अतिथिज्यूप्रतिष्ठानका संरक्षकज्यूसहित सम्पूर्ण सदस्यज्यूहरुशुभेच्छुक मान्यजन र अतिथिज्यूहरु। शैक्षिक,सामाजिक र राजनीतिक क्रान्तिको क्षेत्रमा सुपरिचित श्रीकान्त अधिकारी आफ्ना सुकर्मका कारण अमर हुनुहुन्छ। उहाँको योगदानलाई चिरकाल पर्यन्त जीवन्त राख्ने र विभन्न रचनात्मक क्रियाकलापमार्फत भावि पुस्तालाई समेत यस्तै अनुकरणीय कर्ममा अभिप्रेरित गर्ने उद्देश्यले २०७३ साल फागुन ९ गते स्थापित यस प्रतिष्ठानले आठौं वर्ष पूरा गर्दै छ। आजको यस पुनित दिनमा स्वर्गीय श्रीकान्त अधिकारीप्रति हार्दिक श्रद्धाञ्जली प्रकट गर्दछु।विधानतः प्रतिष्ठानमा संस्थापक सदस्य, साधारण सदस्य, आजीवन सदस्य, संरक्षक सदस्य र मानार्थ सदस्य...